Sa treboni de crudeli intrecciu ddeu segada che fi(l)u de lenza. Po su duci de Montibecciu est fini(d)a sa prepotenza. Po doxi annus at guvernau pru(s) feroci 'e su de Predappiu Ma su minadori s'accappiu finalmenti dd'at segau de coraggiu ben'armau pustis troppu passienza. Po su duci de Montibecciu est fini(d)a sa prepotenza. Sa ladrona sociedadi a su tzugu dd'iat istrinta e po sempri credia binta custa parti 'e umanidadi s'est opposta a unaninimidadi s'operaia intelligenza. Po su duci de Montibecciu est fini(d)a sa prepotenza. Custu imperu de terrori chi su miseru opprimiat tali duci nd'ispremiat sangui, saludi e sudori parassita, dittadori de diabolica apparenza. Po su duci de Montibecciu est fini(d)a sa prepotenza. S'illudiat ca mancunu fiat iscritu comunista e prus pagu sindacalista nd'esistiat(a) in su comunu Oi a su momentu opportunu bì sa manna appartenenza Po su duci de Montibecciu est fini(d)a sa prepotenza. Coraggiosu e volontariu prontu a si sacrificai po ndi podit riscattai libertadi e onorariu s'operaiu minerariu bincit ogna resistenza. Po su duci de Montibecciu est fini(d)a sa prepotenza. Cantu penas e suspirus prantus, iras e miseria cussa cricca vituperia casta orrenda de vampirus ma cust'orta manch'is crumirus point curri a sa presenza. Po su duci de Montibecciu est fini(d)a sa prepotenza. Dipendentis e né lèis osserva(t) s'infami boia su fai mali di fù gioia calpestendi cun is pèis mullendiddus che brebeis pretendendi obbidienza. Po su duci de Montibecciu est fini(d)a sa prepotenza. Farabuttus ruffianus perdiu anti su dominiu prima 'e s'ora 'e su sterminiu currant(a) in situs lontanus po pulì is logus nostranus de s'insoru pestilenza. Po su duci de Montibecciu est fini(d)a sa prepotenza. De vittoria sa campana soni(t) po is bincidoris in tributu de onoris a sa genti prus umana candu poni(t) bratzu e gana tremi dogna potenza. Po su duci de Montibecciu est fini(d)a sa prepotenza. (Ritoccato da Maestrodascia il 27/09/2025)