O dura sorte, in cella (Sonetto sulla dignità del montagnino in cella)

O dura sorte, in cella mi hasa ispintu
cun cussa tua poderosa manu,
m'has presoneri che sordadu vintu
istiu, attonzu, jerru e beranu;

mi ses trattende che unu mezzanu,
però non m'hasa a bides cari ghintu
e s'omine si bided in s'istrintu,
comente nara su dizzu nostranu;

non pone su morale in ausentu,
mancari non mi lessas ponnes passu
e fora de custu perfido apposentu;

non mi crétasa de sentimentos bassu,
ca so' vizu de s'altu Gennargentu,
su monte sardu superbu e canassu.

O dura sorte, in cella mi hasa ispintu
cun cussa tua poderosa manu,
m'has presoneri che sordadu vintu
istiu, attonzu, jerru e beranu;

mi ses trattende che unu mezzanu,
però non m'hasa a bides cari ghintu
e s'omine si bided in s'istrintu,
comente nara su dizzu nostranu;

non pone su morale in ausentu,
mancari non mi lessas ponnes passu
e fora de custu perfido apposentu;

non mi crétasa de sentimentos bassu,
ca so' vizu de s'altu Gennargentu,
su monte sardu superbu e canassu.