Fortza pastores

  Alta bandera de bator moros,
  Zente fièra paris sos coros.
 
Su late in terra, est unu dannu,
Est una gherra pien'e afannu.

Sun sos pastores in avolotu.
Che pedidores, tratados totu.

S'industriale lu narat issu.
Giughet s'istrale, chen'e permissu.

Donz'istradone paret niadu.
Broca e bidone isboidadu.

  Alta bandera...

Gratzia perdìda, pro disisperu,
Sa zente unida, sardu fieru.

Sa natzione non faghet contu.
Ma s'unione est a cunfrontu.

Est un'ispina in su costazu.
Ma sa faina est cun corazu.

Sun sos soldados de sos cuiles:
No sun armados ca sun tziviles.

  Alta bandera...

Est una mòvida, de isolanos.
Nd'etat sa bovida de sos romanos.

Animu zente, ca la 'inchimus.
Cun frisca mente bi resessimus.

Ca su suore cheret pagadu,
Mai su pastore umiliadu.

 Alta bandera...