El me gatt

Rem              La7               Rem
A l'han trovàa distes in mezz a i orti
               Re7              Solm
i oeucc a eren ross e un poo sversàa
                             Rem
me piasaria savè chi l'è quel ostia
 La7                                 Rem
che al me gatt la panscia al g'ha sbusàa.

             Solm           Rem
 L'era insci bell, insci simpatich 
          La7                 Rem
 negher e bianch, propri on belée
          Solm            Rem
 se ciapi quel che l'ha copàa
              La7               Rem
 mi a pesciàa ghe s'ceppi 'l dedrée.

I amis m'han dit «L'è stada la Ninetta
quella cont la gambetta sifolina
l'emm vista in mezz a i orti ier matina
che la lumava 'l gatt cont on cortel».

 L'è malmostosa, de bruta cera,
 e l'ha g'ha on nas svisser e gross
 vedella in gir fa propi péna
 e tucc i fioeu ghe dann adoss.

Incoeu a l'hoo spetada in via Savona
dopo mezzdì, quand lee la torna a cà
ghe sont rivàa adrée a la barbona
e su la gamba giusta giò legnàa.

 Ho sentù on crach de ossa rott
 l'è 'ndada in terra come on fagott
 lee la vosava «oi mamma mia»
 me sont stremì, sont scapàa via

Stasera voo a dormì al riformatóri
in quel di Filangieri al numer duu
m'han dàa del teddy-boy, del brutt demoni
mi sont convint istess d'avegh reson.

 Se g'hoo de divv, o brava gent
 de la Ninetta me frega niént
 l'è la giustissia che me fa tort
 Ninetta è viva, ma el gatt l'è mort,

 l'è la giustissia che me fa tort
 Ninetta è viva, ma el gatt l'è mort.