E quand la sira

Do         Sol7        Do
E quand la sira l'è straca
   Sol7     Do       Sol7          Do  Sol7
da föra la porta a vidè i fioeu giugà,
Do        Sol7       Do
turni cul co ad una 'völta
       Sol7       Do          Sol7        Do    Sol7
quand gh'era al Ginetu e anca mi s'ei un fioeu.

I so barbis giald de füm
e la sua mania de fa sü i sturgitt
nonu da tüta la curta
nüm fioeu in su la porta e lü drè a cüntà.

Fa   Sol       Do        Lam
Da quand lü a steva ad Arlün
Rem      Mi  Lam  La7
fioeu da paisan
Rem  Sol7 Do     Lam
da quela sira da Magg
       Rem       Mi     Lam  Sol7
che i sciuri han fai strimì

L'aria giamò còlda la sira
da quel dì da festa dal vutantanov
fioeu, donn e oman in piasa a
vidè i giupitt a fa i so virsasc.

Ecu una vus la sa sinta
“Adess che i giupitt han finì al so mistè,
cumincium nüm al spetacul
uèe paisan, vignì föra d'in cà”!

Cume furmig in dala tola dal sücar
la strà la se impienì
tüt al paes cunt i fioeu in prima fila
vusaven par fas sintì.

“Mort ai sciuri e ai padrun
e per la giurtnà a vörum un franc”.
“Basta pendisi da püi
e g'han da sbasà anca al ficc da la cà”!

“Che da la fam i nost giuin
'in gnanca pü bon d'an dà a fa al suldà”.
“E i sciuri cun la panscia lüstra
al firon da la shcena a g'han da sbasà”!

“Vusè donn, vusè tusan”
e giò a shcepà vedar
“Calderar e Dal Verme in lì in quela cà,
andemigala a brüsà”!

E al ridea al Ginetu, al ridea cume un matt
e nüm fioeu püsè che lü,
a pinsà a quei sciuri cücià in un canton
trimag al cüracion.

Ma la storia urmai l'è finida
la röda la gira e la turna indrè pü
i fioeu cun la crapa grisa
paisan d'una 'ölta e uperari d'in coeu.

Ma l'è no cambiada la vida
ghè semper chi süda e chi mangia püsè.
Ginetu me vegn al magon
i nost fioeu sculten pü ti, ma la television.

Ma al ridea al Ginetu, al ridea cume un matt
e nüm fioeu püsè che lü,
a pinsà a quei sciuri cücià in un canton
trimag al cüracion.