Pi l'America partenza

Chi scunipigli ti chi c'è ni li paisi,
ntra li famigli, ntra tutti li casi:
di po' ca di l'America si 'ntisi
pi la partenza ognunu fa li basi.

Cu si pripara mutanni e cammisi
cunn'avi grana si 'mpigna li casi.
Afflittu cu a famiglia s'allicenza
e poi pi l'America partenza.

A quant'è tinta ddra brutta spartenza,
lassari li famigli cu duluri.
Priava la divina onnipotenza
ca pi strata l'aiutassi lu Signuri.

A quant'è tinta ddra brutta spartenza,
lassari li famigli cu duluri.
Iu stessu ca lu cantu mi cumpunnu
in ca di ccà v'attaccu n'antru munnu.