Lacreme e' cundannate

Sta tutt’o munne sane arrevutate
pe’ Ssacch’e ppe’ Vanzette cundannate
e chi vvigliaccamente l’ha ‘nfamate
maj n’ura ‘e pace nunn ha dda truva’

A ttutt’ i pparte arrivane
pruteste ‘n quantità
facenne appelle cercano
‘e farle aggrazzia’

Doppo sett’anni ‘e pene e’ carcerate
tra vita e mmorte
chisti sventurate 
mo’ ca ‘a cundanna
ll’hanno cunfermate
nun ce sta mezze pe’  ‘e puté salvà

Sulo ‘o governatore
ggiustizia la po’ ffà
Si Die ‘n ce mette ‘o core
‘a grazzia la farrà

So’ state senza core 
tutte quante
pure e’ ggiurate 
ma che ‘nfame ggente

Nun sentene raggione
chi è ‘nnucente
Chesta nunn è ggiustizzia, 
è ‘nfamità 
Sti sfortunate chiagnene 
so’ rrassignate ggià
e dint’a cella spettano
ccà Ddio l’ha dda salvà