Giudeca

La       Mi7          La                
Giudecca nostra abandonada,
             Mi7          La    La7
vint'anni de fame e sfrutamento 
   Re                  La
e adesso s'è rivà el momento 
          Mi7           La
de dirghe basta e de cambià. 


'E scole co le pantegane, 
'e case sensa gabineto 
e quando ti te buti in leto 
te sogni sempre de lavorà. 

E i fioj se ciàman l'epatite 
in mes' ai pantan de la Giudecca; 
Cipriani se magna la bisteca 
e da le case ne vò sfratà. 

E chi lavora se consuma 
da Eriunx a Iunga sui cantieri, 
e i ghebi te fa i oci neri 
se ti te meti a scioperà. 

'E contesse faseva el doposcuola 
co 'a cipria e coi cioccolatini 
e el Pro-Giudecca dei paroni 
ai giudecchini i g'ha embrogià. 

Studenti, donne, operari, 
avemo ocupà el doposcuola; 
che vegna el prefeto co i ghebi; 
no se movemo, restemo qua! 

Giudecca nostra abandonada, 
vint'anni de fame e sfrutamento, 
e adesso s'è rivà el momento 
de dirghe basta e de cambià.