Case case

Xe ora e tempo
che i fassa calcossa
che i pensa a nialtri
de la via Garibaldi

A Campo Ruga
a Seco Marina
almanco un poco
che i ne risana

Case case vece desfae
abandonae in santa malora
no se trovemo gavemo paura
de 'ndar fora spece de sera

Xe ora e tempo
che i fassa i terassi
dai muri sfesai
passa la piova

L'aqua xe aqua
e coi decreti
no la se suga
ghe vol i fati

Volemo 'na casa restaurada
volemo pagar un afito de pochi schei
volemo stà a Castelo
dove che semo nati e cressui

Case case vece desfae
abandonae in santa malora
no se trovemo gavemo paura
de 'ndar fora spece de sera

Xe ora e tempo che i fassa calcossa...

Case case vece desfae abandonae...