«Can come de mi sfrutà come de mi de mi che te volevo diverso tute le mie speranze su voialtri g'ho puntà se voialtri quelo che 'sta vita me g'ha dà. Co un peso che te schissa co tanta amareza semo andai, papà, ti te ricordi zo par una strada che davanti ai nostri passi piera dopo piera la se cambiava. Picolo sora un treno longo co un bilieto in scarsela do oci lustri par vardar me pare e me mare in tera. Li me saluda rossi in viso i lo sconde dentro un fassoleto e mi sicuro che ghe digo «Speteme che ritorno presto». E quasi ogni giorno scrivo «Papà ti xe contento adesso varda mama so sta bravo 'sto ano qua sarò promosso». Sarò promosso de sicuro divento un omo vero presto adesso g'hò imparà che al mondo se no se studia se xe poco». Contento come ti contento come mi capirse dopo tanto tempo ti che ti me disi: «Visto che no g'ho sbaglià adesso 'n'altra vita ti ti g'ha da scominciar. Lavoro note e giorno so pronto a far de tuto ma ti va 'vanti par la to strada» che giorno dopo giorno ne pareva che a ogni passo davanti ai nostri oci la se sciarava. Picolo sora un treno longo co me fradeo che varda fora e mi che quasi no ghe credo ve vedo rider tuti ancora. Un rider che me costa tanto xe tanto un ano solo, là in fondo, un rider che me cambia el mondo xe vero che i m'ha fato un altro. E ancuo che xe passà dei ani e i ne xe stai la scuola più vera da ti g'ho imparà che viver o xe 'na lota o xe miseria. Sta lota qua ne g'ha cressuo trovandone co ti, al to fianco; 'sta lota qua ne g'ha servio a far che i no ne cambia tanto.