L'inondasion dël Pò

L'inondasion dël Pò

Anno
faustoamodei.jpg
Autori testo

Ti possono interessare anche..

Për che rason ël Pò a l'è anrabiasse a l'ha ampinì soe val con dl'aqua àota dësbland i pont, le strà, le cà, le piasse quatand sità e campagne con soa pàota? La rason l'è che ël Pòa l'ha vist rivé coj dla Lega che an man tnisìo 'd le ampole pëe porteje via l'aqua al Pian dël Re e a l'ha tacà a criè: Chi a son 'ste ciole? "Che, tute vestìe ëd vèrd, con l'armadura gieugo aij babacio, senssa fé 'na piega! Esse balengo sì, ma con misura, picio va bin, ma nèn com coj 'd Lega! Coj òmo vèrd son mnù sota ël Monvis con an testa na fissa, coma un ciò: cola ëd pijesse mia aqua a la sorgis për fe la sirimonia dël dio Pò. Prèive ëd na veja religion pagan-a son tramudase ëd colp tuti in crosià; fin la Ciesa Catòlica Roman-a për lor a l'è venduse ai fieuj d'Allah! Adess për lor combate l'Alcoran, a l'è na fissasion, a l'è na smania: contra moschee, Maométte maometan son cissà coi gadan ëd la Gadania. Mi, parland come Pò, bin pì ëd na vòta j'eu vist gènet d'ògni sòrta, sie sle mie arvere: imperador, tiran e patriòta, prinssi, baron, soldà 'd tute bandiere. Tuti i mnisìò con spa, fusil e lansa për pianté arlongh mie sponde ël sò drapò, d'Austria, d'Italia, Almagna, Spagna e Fransa col but -për drit divin- ëd pijesse ël Pò. Ma, cristo, i ero ëd gent ch'i avìo i cojon quàich vòlota ëd lasaron, ma sempe svicio: Visconti, Este, Gonzaga, Napolion... senssa confront con costa banda ëd picio!". L'è për Iòn, brava gent, ch'a l'è nen vera che ël Poò l'abia anlagà la soa pianura për quistion riguardant tuta la tera ch'a l'è bele antossià, l'è pì nen pura, pëerché a i è tròp dë mniss ant l'aqua e ant l'aria, e i montagnin bandon-o le soe baite, fium e torent son mach na dëscaria e ij euvre ëd protession a son malfàite. Se tanta provra gent a l'è trovase coatà d'aqua e d' paciòch soa cà e botega, la rason l'è che ël Pò a l'è anrabiasse mach për copa ëd coi picio frust 'd la Lega.
Fonte

Amodei Fausto, CD Per fortuna c'è il cavaliere, Nota, 2006

Scheda del canto
Autori testo
Anno
Lingua
Tags
Inserito da
ilDeposito

Disclaimer

I diritti del contenuto sono dei rispettivi autori.
Lo staff de ilDeposito.org non condivide necessariamente il contenuto, che viene inserito nell'archivio unicamente per il suo valore storico, artistico o culturale (maggiori informazioni).
Commenti
Per inserire un commento è necessario registrarsi!