titolosottotitolo

TwitterFacebookYouTubeMailFeed RSS

Nanneddu Meu

Nanneddu meu, su mund'est gai, a sicut erat non torrat mai. Semus in tempos de tirannias, infamidades e carestias. Como sos populos cascant che cane, gridende forte: «Cherimus pane ». Famidos, nois semus pappande pan'e castanza, terra cun lande. Terra c'a fangu torrat su poveru senz’alimentu, senza ricoveru. B'est sa fillossera, impostas, tinzas, chi nos distruint campos e binzas. Undas chi falant Ìn Campidanu Trazan tesoros a s'oceanu. Cixerr'in Uda, Sumasu, Assemene Domos e binzas torrant a tremene. E non est semper ch’in iras malas intrat in cheja Dionis'Iscalas. Terra si pappat, pro cumpanaticu. bi sunt sas ratas de su focaticu. Cuddas banderas numeru trinta de binu. onu, mudad'hant tinta. Appenas mortas cussas banderas non piùs s'osservant imbreagheras. Amig'a tottus fit su Milesu, como lu timent, che passant tesu. Santulussurzu cun Solarussa non sunt amigos piùs de sa bussa. Semus sididos in sas funtanas, pretende s'abba parimus ranas. Peus su famene chi, forte, sonat sa janna a tottus e non perdonat. Avvocadeddos, laureados, bussacas buidas, ispiantados in sas campagnas pappana mura, che crabas lanza in sa cesura. Cand'est famida s'avvocazia, cheres chi penset in Beccaria? Mancu pro sognu, su quisitu est de cumbincher tant'appetitu. Poi, abolidu pabillu e lapis intrat in ballu su rapio rapis. Mudant sas tintas de su quadru, s'omin'onestu diventat ladru. Sos tristos corvos a chie los lassas? Pienos de tirrias e malas trassas. Canaglia infame piena de braga, cherent s'iscettru, cherent sa daga! Ma non bi torrant a sos antigas tempos de infamias e de intrigos. Pretant a Roma, mannu est s'ostaculu; ferru est s'ispada, linna est su baculu. S'intulzu apostulu de su Segnore si finghet santu, ite impostore! Sos corvos suos tristos, molestos, sunt sa discordia de sos onestos. E gai chi tottus faghimus gherra, pro pagas dies de vida in terra. Dae sinistra oltad'a destra, e semper bides una minestra. Maccos, famidos, ladros, baccanu faghimus, nemos halzet sa manu. Adiosu, Nanni, tenedi conm, faghe su surdu, ettad'a tontu. A tantu, l'ides, su mund'est gai: a sicut erat non torrat mai.

Re La7 Re Re La7 Re Nanneddu meu, Nanneddu meu Re (La7) Sol La7 Re Nanneddu meu, su mund'est gai, Re La7 Re Re La7 Re a sicut erat, a sicut erat Re (La7) Sol La7 Re a sicut erat non torrat mai. Re La7 Re Re La7 Re Semus in tempos de tirannias, Re(La7)Sol La7 Re infamidades e carestias. Como sos populos cascant che cane, gridende forte: «Cherimus pane ». Famidos, nois semus pappande pan'e castanza, terra cun lande. Terra c'a fangu torrat su poveru senz’alimentu, senza ricoveru. B'est sa fillossera, impostas, tinzas, chi nos distruint campos e binzas. Undas chi falant Ìn Campidanu Trazan tesoros a s'oceanu. Cixerr'in Uda, Sumasu, Assemene Domos e binzas torrant a tremene. E non est semper ch’in iras malas intrat in cheja Dionis'Iscalas. Terra si pappat, pro cumpanaticu. bi sunt sas ratas de su focaticu. Cuddas banderas numeru trinta de binu. onu, mudad'hant tinta. Appenas mortas cussas banderas non piùs s'osservant imbreagheras. Amig'a tottus fit su Milesu, como lu timent, che passant tesu. Santulussurzu cun Solarussa non sunt amigos piùs de sa bussa. Semus sididos in sas funtanas, pretende s'abba parimus ranas. Peus su famene chi, forte, sonat sa janna a tottus e non perdonat. Avvocadeddos, laureados, bussacas buidas, ispiantados in sas campagnas pappana mura, che crabas lanza in sa cesura. Cand'est famida s'avvocazia, cheres chi penset in Beccaria? Mancu pro sognu, su quisitu est de cumbincher tant'appetitu. Poi, abolidu pabillu e lapis intrat in ballu su rapio rapis. Mudant sas tintas de su quadru, s'omin'onestu diventat ladru. Sos tristos corvos a chie los lassas? Pienos de tirrias e malas trassas. Canaglia infame piena de braga, cherent s'iscettru, cherent sa daga! Ma non bi torrant a sos antigas tempos de infamias e de intrigos. Pretant a Roma, mannu est s'ostaculu; ferru est s'ispada, linna est su baculu. S'intulzu apostulu de su Segnore si finghet santu, ite impostore! Sos corvos suos tristos, molestos, sunt sa discordia de sos onestos. E gai chi tottus faghimus gherra, pro pagas dies de vida in terra. Dae sinistra oltad'a destra, e semper bides una minestra. Maccos, famidos, ladros, baccanu faghimus, nemos halzet sa manu. Adiosu, Nanni, tenedi conm, faghe su surdu, ettad'a tontu. A tantu, l'ides, su mund'est gai: a sicut erat non torrat mai.

ilDeposito.org non fornisce file o audio o registrazioni dei canti presenti ma ci limitiamo a segnalare altri siti dove è possibile ascoltare e/o scaricare i canti.

Link per ascoltare e/o scaricare il canto:

Condividi

Strumenti

Scheda del canto

Autore testo:  Peppino Mereu
Autore musica: 
Lingua:  sardo
Inserito da: ilDeposito.org
Note di pubblicazione
I diritti del contenuto sono dei rispettivi autori.
Lo staff de ilDeposito.org non condivide necessariamente il contenuto, che viene inserito nell'archivio unicamente per il suo valore storico, artistico o culturale (maggiori informazioni).

Newsletter

La Storia Cantata

L M M G V S D
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30