Ti possono interessare anche..
'Na volta me ricordo
no gera rose e fiori
ma almanco i cantieri
ne dava da lavorar
I turni la sirena
i colpi de marteo
faseva un bel bordeo
po' tuto s'à fermà
Se ga fermà i reogi
se ga fermà i lavori
fora dai cantieri
fora i ne ga mandà
Se 'ndava a la Giudeca
a lavorar da Stuky
e dopo tanti sachi
i ne ga licensià
Barconi caricava
montagne de farina
i galegiava apena
bianchi come el pan
I silos gera pieni
de gran salo e maturo
Stuky pien de oro!
i ne lo ga svodà
E anca a Dorsoduro
co' 'n altro maleficio
bondì cotonificio
i ne lo ga serà
Gavevimo i teeri
coton per far la stofa
adeso femo la mufa
senza più lavorar
I ne ga dito done
ste' casa a far i fioi
l'omo porta i schei
no' steve lamentar
Semo de Canaregio
ne toca de 'ndar fora
magari a Marghera
a farse infumegar
Un popolo de bando
xe fiapo e avilio
che musi a Castelo
xe ora de cambiar
Cambiemo che xe ora
metemose de sesto
femo femo presto
salvemo 'sta cità
Fonte
Canzoniere Popolare del Veneto, L'Aria, Cetra, 1977
Scheda del canto
Autori testo
Anno
Lingua
Inserito da
ilDeposito
Disclaimer
I diritti del contenuto sono dei rispettivi autori.Lo staff de ilDeposito.org non condivide necessariamente il contenuto, che viene inserito nell'archivio unicamente per il suo valore storico, artistico o culturale (maggiori informazioni).
Commenti
Per inserire un commento è necessario registrarsi!