Ti possono interessare anche..
Me pare, un omo in gamba de quarant'ani
morto de silicosi in poco tempo
el ga lassà me mare e quatro fioi
e mi el più vecio de undes'ani.
El ga fato la guera d'Africa
e do ani de concentramento
invalido, co 'na pension da fame
el xe tornà in fornasa a sofiar vero.
Me mare, par tirar avanti,
la faseva la lavandera dai paroni
e mi al dopopranso andavo in riva
a scaricar peate par le fornase.
Gavevo diese ani e el me maestro
diseva che venivo su ben
«Un bravo fio, pien de giudissio,
el farà strada ne la vita».
E adesso che me pare el xe morto
go ciapà el so posto drio ai forni,
vanto quatro schei ma so che un giorno
sarò anca mi maestro sofiatore.
E magari, sensa 'n'altra guera
visto che lavoro par diese ore
e che respiro vero note e giorno
andarò presto in tomba co me pare.
Informazioni
La silicosi è tra le prime cause di morte dei vetrai soffiatori di Murano.
Fonte
Bertelli Gualtiero, Nina, Edizioni del gallo, 1977
Scheda del canto
Autori testo
Lingua
Inserito da
ilDeposito
Disclaimer
I diritti del contenuto sono dei rispettivi autori.Lo staff de ilDeposito.org non condivide necessariamente il contenuto, che viene inserito nell'archivio unicamente per il suo valore storico, artistico o culturale (maggiori informazioni).
Commenti
Per inserire un commento è necessario registrarsi!