• Testi: 1527
• Accordi: 337
• Autori: 356
• Audio: 708
• Traduzioni: 174

Parco de la fantasia
quando 'l gera de le suore
el cancelo gera serà
e quanti fioi de Canaregio
che saltava la mureta
per zogar 'na mezoreta
chi co' l'arco chi co' la bala
po' i scampava tuti via
co rivava el guardian

Quante mame quela volta
che sigava in corteo
dene la ciave del cancelo
che 'sti fioi ga dirito de zogar

Parco de la fantasia
i lo verse stamatina
a e diese puntual
'riva el sindaco in persona
che ga verto 'sto cancelo
che ga fato un bel regalo
a 'sti fioi de Canaregio
'desso sì che 'ndemo megio
che batemo anca le man

Se capisse ghe vol forsa
quela tua e quela mia
e volendo la fantasia
poco a poco la deventa
la deventa realtà.

Fonte: Canzoniere Popolare del Veneto, L'Aria, Cetra, 1977

ricerca avanzata