• Testi: 1527
• Accordi: 337
• Autori: 356
• Audio: 708
• Traduzioni: 174

A Santa Maria Magiòr
quando xe morto el cardinale Urbani
ne xe rivà al prete
a domandarne schei par na girlanda.
 
Basso de la rotonda
cea par cea el prete ne bateva
ma gnanca un ciodo se ghe donava.
 
A Santa Maria Magiòr
quando el Banana s'ha picà in cea
no se ga visto el prete
ma ghemo fato istesso na girlanda.
 
Basso de la rotonda
ghe gera i fiori freschi par el Banana
ch'l xe andà fora co la campana.
 
Bati bati campana!
uno de manco, la società respira!
bati che passa i anni
e intanto i avocati fa cariera;
bati anca ti, Signor
ma con un picòn scoversi sta galera
che la giustisia xe sototera!

Fonte: D'Amico Alberto, Ariva i barbari, Edizioni del gallo, 1973

ricerca avanzata